Maca kumpulan Cerkak Lelakoning Urip kaya maca kahanan kang ana ing wektu cerkak kapacak ing koran Kedaulatan Rakyat. Nalika ana unggah-unggahan bensin, Misni nulis cerkak kanti irah-irahan “SPBU 0204”, nalika korupsi angetangete, Misni nulis “Supir Trek” kang isine nyindhir korupsi. Maca cerkak-cerkake Misni iki, kaya mlaku ana sadawane urip. Sanajan ditulis kanthi gamblang lan terwaca, nanging kebak pralambang sing kudu dipermati, apa sejatine sing dikandhut ana tulisane. Iku kabeh ora liya saka kontemplasi jiwa, sing wis dilakoni lan diprangguli marang penulis. Kumpulan cerkak iki, bisa dadi tandha, menawa sastra Jawa tetep ditulis, tetep lestari lan ngrembaka.